ارضِ پاک نیوز نیٹ ورک

Arz-e-Pakistan News Network

Language:

Search

Foolproof Security on the eve of Urs of Data Ali Hajveri (RA) and Chehlum of Hazrat Imam Hussain (AS).    "سب کو بتانا مرشد آئے تھے، "عثمان مرزا کے تیور نہ بدلے.    "اپنے لیے اپنے ملک کیلیے ویکسین لگوائیں"،شیخ رشید کی قوم سے اپیل.    MoU signed between Punjab Hepatitis Control Program, Ferozsons Laboratories Limited and Inspectorate of Prisons.    Pakistan and Austria FMs meet in New York.    Prime Minister’s special aide Jamshed Cheema backs Qalandar Badshah.    "نیوزی لینڈ میں اتنی فورسز نہیں ہوں گی جتنی انہیں یہاں سیکیورٹی فراہم کی گئی".    Director General Punjab Emergency Department Regularized Services of 103 Rescuers.    CEO Vscopk Mian Afzal Javed distributes shields to participants.    "مشترکہ مقصد2021ء "کا انعقاد.    Awareness seminar against sexual harassment and violence against women organized by Lahore Police.    Police Challan shows involvement of Zahir Jaffer's father in the murder of Noor Mukadam.    Here’s Pak Boon, an elephant at the Taronga Zoo Sydney, enjoying a mud bath in the Australian sun.    Pakistan urges world to recognise new reality in Afghanistan.   

نعمان اعجاز بیٹے زاویار کے ساتھ اداکاری کیلئے تیار

وجاہت اختر
15 Sep, 2021

15 ستمبر ، 2021

وجاہت اختر
15 Sep, 2021

15 ستمبر ، 2021

نعمان اعجاز بیٹے زاویار کے ساتھ اداکاری کیلئے تیار

post-title

خبریں ہیں کہ ’سنگ ماہ‘ میں دونوں باپ اور بیٹا کام کرتے دکھائی دیں گے
خبریں ہیں کہ سینئر اداکار نعمان اعجاز کے بڑے صاحبزادے ماڈل زاویار اعجاز بھی ماضی کے مقبول ڈرامے ’سنگ مر مر‘ کے سیکوئل میں والد کے ہمراہ اداکاری کرتے دکھائی دیں گے۔
’سنگ مر مر‘ کے سیکوئل پر گزشتہ چند ماہ سے کام جاری ہے اور مذکورہ ڈرامے سے گلوکار عاطف اسلم بھی ٹی وی پر ڈیبیو کرنے جا رہے ہیں۔
خبریں ہیں کہ عاطف اسلم کی طرح ’سنگ مر مر‘ کے سیکوئل ’سنگ ماہ‘ سے نعمان اعجاز کے بڑے صاحبزادے زاویار اعجاز بھی والد کے ساتھ ڈیبیو کرنے جا رہے ہیں۔
متعدد شوبز سوشل میڈیا پیجز اور ویب سائٹس کی جانب سے ذرائع سے بتایا گیا کہ زاویار اعجاز بھی ’سنگ ماہ‘ کا حصہ ہیں اور وہ شوٹنگ میں مصروف ہیں۔
اگرچہ تاحال زاویار اعجاز یا ’سنگ ماہ‘ کی ٹیم نے تصدیق نہیں کی لیکن کچھ ہفتے قبل نعمان اعجاز کے بیٹے نے انسٹاگرام اسٹوری میں ایک ڈرامے کا اسکرپٹ شیئر کیا تھا، جس سے اندازہ لگایا جا رہا ہے کہ وہ بھی والد کے ساتھ اداکاری کرنے جا رہے ہیں۔
’سنگ ماہ‘ میں نعمان اعجاز بھی مرکزی کردار میں دکھائی دیں گے جب کہ مذکورہ ڈرامے میں ہانیہ عامر، کبریٰ خان، عاطف اسلم، ثانیہ سعید، سامیہ ممتاز اور میکال ذوالفقار بھی شامل ہیں۔
نعمان اعجاز نے گزشتہ ماہ اگست میں ’سنگ ماہ‘ کی شوٹنگ کے دوران ایک ویڈیو جاری کی تھی، جس میں انہوں نے تصدیق کی تھی کہ عاطف اسلم بھی مذکورہ ڈرامے کا حصہ ہیں۔
تاہم انہوں نے ویڈیو میں بیٹے کے حوالے سے کوئی ذکر نہیں کیا تھا لیکن اب سوشل میڈیا پر ان کے بیٹے زاویار اعجاز کی تصاویر شیئر کرکے دعویٰ کیا جا رہا ہے کہ وہ بھی ’سنگ ماہ‘ کا حصہ ہیں۔

’سنگ ماہ‘ 2016 میں نشر ہونے والے ڈرامے سنگِ مر مر کا سیکوئل ہے جس میں کبریٰ خان، ثانیہ سعید، نعمان اعجاز اور میکال ذوالفقار نے اداکاری کی تھی۔
’سنگ ماہ‘ کے حوالے سے رواں برس جون میں ڈائریکٹر سیفی حسن نے عندیہ دیا تھا کہ وہ جلد ہی سیکوئل پر کام شروع کریں گے اور اگست میں نعمان اعجاز نے تصدیق کی تھی کہ ڈرامے کی شوٹنگ جاری ہے۔
سنگ ماہ میں احسن خان کے کاسٹ کیے جانے کی چہ مگوئیاں بھی تھیں
سیفی حسن نے یہ بھی بتایا تھا کہ ’سنگ مر مر‘ کو ٹرائلوجی کی صورت میں بنایا جائے گا، جس کے دوسرے حصے ’سنگ ماہ‘ کے بعد ڈرامے کا تیسرا اور آخری حصہ ’سنگ سیاہ‘ کے نام سے بنایا جائے گا۔
انہوں نے یہ بھی کہا تھا کہ سیکوئل میں بھی پہلے ڈرامے کی کاسٹ کو رکھا جائے گا لیکن نئے ڈرامے کی کہانی پہلے سے مختلف ہوگی اور کچھ نئے کردار بھی شامل کیے جائیں گے۔
ڈرامے میں شامل نئے کرداروں میں ہانیہ عامر، عاطف اسلم اور زاویار اعجاز کے کردار شامل ہیں، تاہم نعمان اعجاز کے بیٹے کے کردار کی تاحال تصدیق نہیں ہو سکی۔
تاہم زاویا اعجاز کی جانب سے خیبر پختونخوا (کے پی) سے اپنی ایک تصویر شیئر کیے جانے سے سمجھا جا رہا ہے کہ وہ بھی ’سنگ ماہ‘ کی شوٹنگ مصروف ہیں۔
 


APNN نیوز، APNN گروپ یا اس کی ادارتی پالیسی کا اس تحریر کے مندرجات سے متفق ہونا ضروری نہیں ہے۔

APNN News, the APNN Group or its editorial policy does not necessarily agree with the contents of this article.


عوامی بحث (0) تبصرے دیکھنے کے لئے کلک کریں Public discussion (0) Click to view comments
28 / 5 / 2021
Monday
1 : 23 : 31 PM