گوجرانوالہ: ذخیرہ اندوزوں کیخلاف بڑا آپریشن: گندم کی 65ہزار سے زائد بوریاں قبضے میں لے لیں

Saturday, April 24undefined, 2021, 11:40:21 AM

گوجرانوالہ: ضلعی انتظامیہ نے گندم ذخیرہ اندوزوں کے خلاف بڑے پیمانے پر آپریشن کرتے ہوئے گندم کی 65 ہزارسے زائد بوریاں قبضے میں لے لیں۔
نوشہرہ ورکاں میں گندم کی ذخیرہ اندوزی کے خلاف آپریشن میں ضلعی انتظامیہ کے ساتھ پولیس کی ٹیموں نے بھی حصہ لیا۔چھاپہ مار ٹیموں نے فلور مل اور دوسرے گوداموں میں غیر قانونی طور پر ذخیرہ کی گئی گندم سرکاری قبضے میں لیکر گوداموں کو سیل کردیا۔ڈپٹی کمشنر کا کہنا ہے کہ گندم غیر قانونی طور پر ذخیرہ کی گئی تھی، سیل کیے گئے گوداموں پر پولیس تعینات کر دی گئی ہے  اور گندم کو سرکاری گوداموں میں منتقل کیا جائیگا۔