آئی ایم ایف نے اگلے سال کو پاکستانی معیشت کیلئے سنہری قرار دے دیا

Wednesday, April 7th, 2021, 12:17:10 PM

اسلام آباد:عالمی مالیاتی ادارے (آئی ایم ایف) نے اپنی نئی رپورٹ میں کہا ہے کہ پاکستانی معیشت اگلے سال 4 فیصد شرح سے ترقی کرے گی۔عالمی مالیاتی ادارے(آئی ایم ایف) نے ورلڈ اکنامک آٹ لک رپورٹ جاری کرتے ہوئے بتایا کہ پاکستان میں بجٹ خسارہ 7.1 فیصد رہے گا۔ پاکستان میں سال 2020 میں بجٹ خسارہ 8.1 فی صد تھا، ملکی معاشی شرح نمو محض 1.5 فیصد رہے گی۔رپورٹ کے مطابق آئی ایم ایف پاکستانی معیشت اگلے سال 4 فیصد شرح سے ترقی کرے گی، پاکستان میں مہنگائی گزشتہ مالی سال کی نسبت 2 فیصد زیادہ ہے، سال 2020میں مہنگائی کی شرح 8.6 اور اس سال 10 فی صد ہے۔آئی ایم ایف کے مطابق مہنگائی امسال 10 فیصد جبکہ آئندہ سال 7.9 فیصد رہنے کا تخمینہ ہے، اگلے سال کرنٹ اکانٹ خسارہ 1.5 فیصد سے بڑھ کر 1.8 فیصد ہو سکتا ہے۔